Salavan Teacher Training College

ພະນັກງານ-ນັກສຶກສາ ວິທະຍາໄລຄູສາລະວັນ ຮັບຟັງການເຜີຍແຜ່ການນຳໃຊ້ສື່ສັງຄົມອອນລາຍໃຫ້ຖືກຕ້ອງ.

ວັນທີ 3 ກັນຍາ 2019 ນີ້ ​ທີ່​ສະ​ໂມ​ສອນ ວິ​ທະ​ຍາ​ໄລ​ຄູ​ສາ​ລະ​ວັນ, ຄະນະໂຄສະນາອົບຮົມ ແຂວງສາລະວັນ ຮ່ວມກັບ ພະແນກໄປສະນີໂທລະຄົມມະນາຄົມ ແລະ ການສື່ສານແຂວງ, ກອງບັນຊາການ ປກສແຂວງ ແລະ ພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງສາລະວັນ ໄດ້ລົງເຜີຍແຜ່ການນຳໃຊ້ສື່ສັງຄົມອອນລາຍໃຫ້ຖືກຕ້ອງ ແລະ ຕອບຕ້ານປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນຄອບຄົວ, ສັງຄົມ ແລະ ໂຮງຮຽນ ໃນທົ່ວແຂວງສາລະວັນ ໃຫ້ກຽດເປັນປະທານໂດຍ ທ່ານ ສີເຮັງ ຫອມສົມບັດ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງສາລະວັນ, ມີວິທະຍາກອນຈາກ 3 ພາກສ່ວນທີ່ກ່ຽວຂ້ອງ, ບັນດາຄູ-ອາຈານ, ນັກຮຽນເຂົ້າຮ່ວມ. ຈຸດ​ປະ​ສົງ​ຂອງກອງ​ປະ​ຊຸມເພື່ອແນໃສ່ເຮັດໃຫ້ສະມາຊິກພັກ, ພະນັກງານ. ລັດຖະກອນ, ນັກຮຽນ, ນັກສຶກສາ ໄດ້ມີຄວາມຮັບຮູ້ເຂົ້າໃຈ ກ່ຽວກັບການນຳໃຊ້ສື່ສັງຄົມອອນລາຍ ໃນນັ້ນເອກະສານທີ່ນຳມາເຜີຍແຜ່ປະກອບມີ ເອກະສານ ນຳພາແນວຄິດ ນຳໃຊ້ສື່ສັງຄົມອອນລາຍ, ບັນດາກົດໝາຍ, ດຳລັດທີ່ກ່ຽວຂ້ອງ ແລະ ຕິດພັນກັບການກະທຳຜິດຜ່ານສື່ສັງຄົມອອນລາຍ, ໃຊ້ເຄືອຂ່າຍສັງຄົມອອນລາຍແນວໃດ ຈຶ່ງຈະປອດໄພ ແລະ ວິທີການແກ້ໄຂເມື່ອພົບບັນຫາຕ່າງໆໃນການນຳໃຊ້ສື່ສັງຄົມອອນລາຍ, ໂຄສະນາເຜີຍແຜ່ກ່ຽວກັບມາດຕາ, ກົດໝາຍສື່ມວນຊົນ, ກົດລະບຽບຈາລະຈອນຕາມເສັ້ນທາງຫຼວງ, ຄວາມອັນຕະລາຍຂອງຢາເສບຕິດໃນປະຈຸບັນ, ມີສະຕິລະວັງຕົວສູງຕໍ່ກົນອຸບາຍຂອງອິດທິກຳລັງປໍລະປັກ ແລະ ພວກຄົນບໍ່ດີສວຍໃຊ້ສື່ສັງຄົມອອນລາຍ ສ້າງຄວາມປັ່ນປ່ວນໃນສັງຄົມ, ໂຄສະນາບິດເບືອນ, ໃສ່ຮ້າຍປ້າຍສີ, ຕົວະຍົວະຫຼອກລວງ, ສ້າງຄວາມແບ່ງແຍກລະຫວ່າງ ພັກ-ລັດ ດັ່ງນັ້ນພະ​ນັກ​ງານ​ຄູ​ອາ​ຈານ, ນັກ​ຮຽນ​ນັກ​ສຶກ​ສາພວກເຮົາ ຕ້ອງເປັນເຈົ້າການນຳໃຊ້ສື່ດັ່ງກ່າວ ເຂົ້າໃນການເຄື່ອນໄຫວດຳລົງຊີວິດຢ່າງຖືກຕ້ອງ

ຂ່າວ: ສະ​ແຫວງ ຄຳ​ພິ​ໄລ

ພາບ: ນີ​ລະ​ມິດ ຈັນ​ທະ​ວົງ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *