Salavan Teacher Training College

ກອງປະຊຸມໃຫຍ່ ຄັ້ງທີ I ຂອງໜ່ວຍພັກຫ້ອງການສົ່ງເສີມວິຊາການ

ໃນຕອນເຊົ້າວັນທີ 19 ທັນ​ວາ 2019 ຢູ່ທີ່ສະໂມສອນຂອງ​ວິ​ທະ​ຍາ​ໄລ​ຄູ ໜ່ວຍ​ພັກ​ຫ້ອງ​ການ​ສົ່ງ​ເສີມ​ວິ​ຊາ​ການໄດ້ຈັດກອງປະຊຸມໃຫຍ່ ຄັ້ງ​ທີ ໂດຍຈຸດ​ປະ​ສົງ​ຂອງກອງ​ປະ​ຊຸມແມ່ນ​ເພື່ອຜ່ານ​ຮ່າງ​ລາຍ​ງານ​ການ​ເມືອງ ແລະ ທິດ​ທາງ​ໃນ 5 ປີ​ຕໍ່​ໜ້າ ພ້ອມ​ທັງ​ເລືອກ​ຕັ້ງ​ຄະ​ນະ​ໜ່ວຍ​ຊຸດ​ໃໝ່ ໂດຍການເປັນປະທານການ​ກ່າວ​ເປີດກອງ​ປະ​ຊຸມ ​ຂອງ ສະ​ຫາຍ ນາງ ສຸ​ພະ​ກັນ ຜາ​ພິ​ລາ​ລັກ ​ເລ​ຂາ​ໜ່ວຍ​ພັກຫ້ອງ​ການ​ສົ່ງ​ເສີມ​ວິ​ຊາ​ການ ໃຫ້​ກຽດ​ເຂົ້າ​ຮ່ວມ​ຂອງ​ສະ​ຫາຍ ສຸ​ລິດ ສຸ​ລິ​ວົງ ເລ​ຂາ​ຄະ​ນະ​ພັກ​ຮາກ​ຖານ, ຜູ້​ອຳ​ນວຍ​ການວິ​ທະ​ຍາ​ໄລ​ຄູ​ສາ​ລະ​ວັນ. ມິ​ບັນ​ທ່ານ​ແຂກ​ຖືກ​ເຊີນ​ຈາກ​​ ຄະ​ນະ​ຈັດ​ຕັ້ງ​ແຂວງ, ຄະ​ນະໂຄ​ສະ​ນາ​ອົບ​ຮົມ​ແຂວງ, ຄະ​ນະ​ກວດ​ກາ​ພັກ​ລັດ​ແຂວງ ພ້ອມ​ສະ​ມາ​ຊິກ​ພັກ​ສົມ​ບູນ ແລະ ສຳ​ຮອງ​ເຂົ້າ​ຮ່ວມ

ກອງປະ​ຊຸມ​ໄດ້​ດຳ​ເນີນ​ໄປ​ເປັນ​ເວ​ລາ​ໜຶ່ງ​ຄາບ​, ​ເຕັມ​ໄປ​ດ້ວຍ​ຄວາມ​ຮັບ​ຜິດ​ຊອບສູງ​ຂອງ​ບັນ​ດາ​ຜູ້​ແທນ​ທີ່​ເຂົ້າ​ຮ່ວມກອງ​ປະ​ຊູມ​ເຊິ່ງ​ໄດ້​ຮັບ​​ຟັງ​ບັນ​ຫາ​ສຳ​ຄັນ​ຕ່າງໆ​ດັ່ງ​ນີ້:

  1. ກອງ​ປະ​ຊຸມ​ໄດ້ຮັບ​​ຟັງ​​ຮ່າງ​ລາຍ​ງານ​ການ​ເມືອງ ແລະ ທິດ​ທາງ​ໃນ 5 ປີ​ຕໍ່​ໜ້າ ​ຂອງ​ໜ່ວຍ​ພັກ​ຫ້ອງ​ການ​ສົ່ງ​ເສີມ​ວິ​ຊາ​ການ ໂດຍ​ໃຫ້​ກຽດ​ຂື້ນ​ຜ່ານ​ຂອງ​ ສະ​ຫາຍ ນາງ ສຸ​ພະ​ກັນ ຜາ​ພິ​ລາ​ລັກ
  2. ກອງ​ປະ​ຊຸມ​ໄດ້ຮັບ​​ຟັງການ​ຜ່ານ​ບົດ​ສຳ​ຫຼວດ​ການ​ນຳ​ພາໃນ 5 ປີ​​ຜ່ານ​ມາ ​ພ້ອມ​ທັງ​ກ່າວ​ອຳ​ລາ​ໜ້າ​ທີ່ ໂດຍ​ໃຫ້​ກຽດ​ຂື້ນ​ຜ່ານ​ຂອງ​ ສະ​ຫາຍ ນາງ ຈັນ​ໂທ ໄຊ​ຍະ​ເສນ
  3. ​ຈາກ​ນັ້ນ ສະ​ຫາຍ ນາງ​ ພູວຽງ ອິນ​ທະ​ສອນ ຄະ​ນະພັກ​ຮາກ​ຖານ, ຮອງຜູ້​ອຳ​ນວຍ​ການວິ​ທະ​ຍາ​ໄລ​ຄູ​ສາ​ລະ​ວັນ ໃຫ້​ກຽດ​ຂື້ນ​ຜ່ານ​ມາດ​ຖານ​ເງື່ອນ​ໄຂ​ຜູ້​ສະ​ໝັກ​ເລືອກ​ຕັ້ງ​ຄະ​ນະ​ໜ່ວຍ​ຊຸດ​ໃໝ່, ພ້ອມ​ທັງ​ຂໍ້​ຕົກ​ລົງ​ແຕ່ງ​ຕັ້ງ​ຄະ​ນະ​ຄວບ​ຄຸມ​​ການ​ປ່ອນ​ບັດບັດ
  4. ກອງ​ປະ​ຊຸມ​ຄັ້ງ​ປະ​ຖົມ​ມະ​ລຶກໜ່ວຍ​ພັກ​ຫ້ອງ​ການ​ສົ່ງ​ເສີມ​ວິ​ຊາ​ການ ຄັ້ງທີ I ໄດ້​ຕົກ​ລົງ​ເປັນ​ເອ​ກະ​ສັນ​ເລືອກ​ເອົາ​ສະ​ຫາຍ ສົມ​ບູນ ສີ​ລິ​ສົງ​ຄາມ ເປັນ​ເລ​ຂາ​ໜ່ວຍ​ພັກ, ສະ​ຫາຍ ນາງ ຈັນ​ໂທ ໄຊ​ຍະ​ເສນ ເປັນ​ຮອງ​ເລ​ຂາ​ໜ່ວຍ​ພັກ. ສະ​ຫາຍ ປອ ສຸ​ພັນ ເທບ​ພະ​ວົງ​ສາ ເປັນ​ຄະ​ນະໜ່ວຍ​ພັກ ຈາກ​ນັ້ນກອງ​ປະ​ຊຸມ​ໄດ້​ຖື​ເປັນ​ກຽດ​ຢ່າງ​ສູງ​ຮັບ​ຟັງ​ການ​ໂອ້​ລົມ​ຂອງ​ ສະ​ຫາຍ ສຸ​ລິດ​ ສຸ​ລິ​ວົງ ເລ​ຂາ​ຄະ​ນະ​ພັກ​ຮາກ​ຖານ, ຜູ້​ອຳ​ນວຍ​ການວິ​ທະ​ຍາ​ໄລ​ຄູ​ສາ​ລະ​ວັນ ເຊິ່ງ​ທ່ານ​ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ​ຕໍ່​ຜົນ​ສຳ​ເລັດ​ຂອງກອງ​ປະ​ຊຸມ ຈາກ​ນັ້ນ​ທ່ານ​ຍັງ​ຮຽກ​ຮ້ອງ​ມາ​ຍັງ​ສະ​ມາ​ຊິກ​​ພັກ​ທຸກ​ສະ​ຫາຍ​ຈົ່ງ​ໄດ້​ເພີ້ມ​ທະ​ວິ​ຄວາມ​ສາ​ມັກ​ຄີ​ເປັນ​ປຶກ​ແຜ່ນ​ແໜ້ນ​ໜາ ສ້າງ​ໜ່ວຍ​ພັກ​ປອດ​ໃສ ເຂັ້ມ​ແຂງ ໜັກ​ແໜ້ນ, ບຸກ​ບືນ​ສູ້​ຊົນ​ຜ່ານ​ຜ່າ​ຂໍ້​ຫຍຸ້ງ​ຍາກ​ເພື່ອ​ພ້ອມ​ກັນ​ເຮັດ​ໃຫ້​ມະ​ຕິ​ກອງ​ປະ​ຊຸມ​ໃຫ​ຍ່ ຄັ້ງ​ທີ I ຂອງໜ່ວຍ​ພັກ​ຫ້ອງ​ການ​ສົ່ງ​ເສີມ​ວິ​ຊາ​ການ ​ບັນ​ລຸ​ຕາມ​ຄາດ​ໝາຍ​ທີ່​ວາງ​ໄວ້

 

ຂ່າວ-ພາບ ສະ​ແຫວງ ຄຳ​ພິ​ໄລ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *